特價壽司好平

話説果日去黃埔做野，搞到8點半，未正式食飯（知道有野做，4點幾食左個Tea），最緊要係爲食，從來都係，所以行落去AEON睇下有無特價壽司賣。

真係好抵，21件壽司減到83蚊，成條吞拿魚刺身都係67蚊，接近原價一半。所以都睇到好多人同我一樣，吼住減價，都要眼明手快先搶到呢兩盒算樣好D嘅。

三文魚、帶子、北極貝就算賣到貨尾，都無乜走樣，但赤貝就個樣有D深色，真係唔知道係呢批貨本來就係咁色，定真係擺耐左，不過食落都無問題。

其實話就話特價可能擺左成日，無咁新鮮，但講真，呢D超市貨色，本來都唔係活魚，你下晝4點正價買返屋企，都會擺雪櫃7點食。8點半賣，9點返到屋企開餐，其實都係遲2個鐘頭，個人經驗食落真係無分別，但感覺真係抵好多，如果下次撞啱有野做，一樣做到8點幾，一定會再買。

條吞拿魚柳，係雪藏貨果種，我之前都訂過，$160/KG，而家特價250g先67蚊，都好抵。如果用呢個價錢把尺，都算好有赤身果種甘香。

食得刺身，我屋企兩個公主一定冤住曬，大大話話都分左我4大塊。